VII.

Gwin ar C'hallaoued
ha Korol ar C'hleze

I

1. Gwell eo gwin gwenn bar
   Na mouar !
   Gwell eo gwin gwenn bar.
   Gwell eo gwin gwenn bar
   Na mouar !
   Gwell eo gwin gwenn bar.
   - Tan ! tan ! dir ! oh ! dir ! tan ! tan ! dir ha tan !
   Tann ! tann ! tir ! ha tonn ! tonn ! tann ! tir ha tir ha tann !

2. Gwell eo gwin nevez
   Oh ! na mez ;
   Gwell eo gwin nevez,
   Gwell eo gwin nevez
   Oh ! na mez ;
   Gwell eo gwin nevez,
   Tan ! tan !, etc.

3. Gwell eo gwin a lufr
   Oh ! na kufr ;
   Gwell eo gwin a lufr.

4. Gwell eo gwin ar Gall
   Nag aval ;
   Gwell eo gwin ar Gall.

5. Gall, d'id, kef ha deil
   D'id pez-teil !
   Gall, d'id, kef ha deil.

6. Gwin gwenn, d'id Breton
   A galon !
   Gwin gwenn, d'id Breton.

7. Gwin ha goad a red
   En gefred ;
   Gwin ha goad a red.

8. Gwin gwenn ha goad ruz
   Ha goad druz ;
   Gwin gwenn ha goad ruz.

9. Goad ruz ha gwin gwenn
   Eunn aouen !
   Goad ruz ha gwin gwenn.

10. Goad ar C'hallaoued
    Eo a red ;
    Goad ar C'hallaoued.

11. Goad ha gwin eviz
    Er gwall vriz ;
    Goad ha gwin eviz.

12. Gwin ha goad a vev
    Neb a ev ;
    Gwin ha goad a vev.

II

13. Goad, gwin ha korol
    D'id, Heol !
    Goad, gwin ha korol

14. Ha korol ha kan,
    Kan, ha kann !
    Ha korol ha kan.

15. Korol ar c'hleze,
    Enn eze ;
    Korol ar c'hleze.

16. Kan ar c'hleze g'az
    A gar laz ;
    Kan ar c'hleze glaz.

17. Kann ar c'hleze goue
    Ar Roue.
    Kann ar c'hleze goue.

18. Kleze ! Roue braz
    Ar stourmeaz !
    Kleze ! Roue braz !

19. Kanaveden gen
    War da benn !
    Kanaveden gen !
    Kanaveden gen
    War da benn !
    Kanaveden gen !
    - Tan ! tan ! dir ! oh ! dir ! tan ! tan ! dir ha tan !
    Tann ! tann ! tir ! ha tonn ! tonn ! tann ! tir ha tir ha tann !